Bakıda strongmen idman növü üzrə 8 ölkənin iştirak etdiyi Avrasiya çempionatı keçirilib.
Gencexeber.az məlumat verir ki, yarışda dünya və Avropa çempionu, həmçinin rekordçusu olan Gəncə idmançısı, 32 yaşlı Əli Əliyev 110+ çəki dərəcəsində çıxış edib. O, "Strict Curl" — ştanqanın bisepsə qaldırılması növündə 125 kiloqramın öhdəsindən gələrək 1-ci yerə layiq görülüb və yarışın mütləq çempion adını qazanıb.
Çempionatda digər gəncəli idmançılar da uğur qazanıblar:
– Royal Rəsulov 110+ kq çəki dərəcəsində "Bench Press" hərəkətində 1-ci yeri tutub;
– Bəhruz Ələkbərov 110+ kq çəki dərəcəsində turnik hərəkətində 2-ci, paralelqol hərəkətində isə 1-ci yerə layiq görülüb;
– Elvin Qasımov 110+ kq çəki dərəcəsində turnik hərəkətində 1-ci yeri qazanıb;
– Yusif Məmmədov 90 kq çəki dərəcəsində "Bench Press" hərəkətində 2-ci yeri tutub.
Qeyd edək ki, idmançılar Gəncə şəhər Baş Polis İdarəsinin və tabeli orqanların əməkdaşlarıdır.
