Bakının Sabunçu rayonunda 44 yaşlı kişi dostuna xəsarət yetirib.
Gədəbəy rayon sakini, 1982-ci il təvəllüdlü Nahid 2025-ci ilin avqust ayında evində təmir işləri aparmaq üçün usta dostu Vahidi (adlar şərtidir – red.) işə cəlb edib. Lakin təmir zamanı nöqsanlara yol verildiyi üçün Nahid işlərin yenidən görülməsini tələb edib. Vahid tələbi yerinə yetirib, lakin bu işlərə görə ev sahibindən pulunu ala bilməyib.
İstintaq sənədlərinə görə, Vahid pulunu Nahiddən tələb etmək məqsədilə hadisə günü saat 23:00 radələrində onun Sabunçu rayonunda yerləşən evinə gəlib.
Aralarında baş vermiş mübahisə zamanı Nahid Vahidin bədəninin müxtəlif nahiyələrinə yumruq və təpiklə, həmçinin stəkanla qəsdən zərbələr endirərək ona xəsarətlər yetirib.
Faktla bağlı Nahidə Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə izahat verən Nahid ona elan olunmuş ittiham üzrə özünü təqsirli bilib. O, zərərçəkmiş şəxslə barışdığını deyib.
Sabunçu Rayon Məhkəməsinin hökmü ilə Cinayət Məcəlləsinin 73.2-ci maddəsinə əsasən, təqsirləndirilən şəxs cinayət məsuliyyətindən azad edilib və cinayət təqibinə xitam verilib.
Mənbə: demokrat.аz
