Gəncə şəhərində məktəblərdən birinin sinif otağının pəncərəsinə vağlar fəsiləsinə aid iri quş qonub.
Gencexeber.az məlumat verir ki, maraqlı görüntü 28 nömrəli tam orta məktəbdə qeydə alınıb. Böyük danquşu tənəffüs zamanı şagirdlərin diqqətini cəlb edib.
Bataqlıqlarda, qamışlıqlarda, göllərin və digər su hövzələrinin sahillərində məskunlaşan quşu yaxından görmək məktəblilər üçün maraqlı hadisəyə çevrilib.
Qeyd edək ki, böyük danquşu Azərbaycanda yayılan quş növlərindəndir. Gəncəyə ən yaxın Kür çayı boyunca yerləşən, çay yatağının dəyişməsi nəticəsində yaranmış axmaz göllərdə və qamışlı su hövzələrində bu quşlara tək-tək rast gəlmək mümkündür.
