Respublika üzrə bilik göstəricisi yüksək və aktiv tələbələr arasında seçim aparılıb. Səs çoxluğu ilə "İlin tələbəsi" adına layiq görülən gənclər müəyyən edilib.
Gencexeber.az məlumat verir ki, sözügedən səsvermənin nəticələrinə görə Gəncə şəhəri üzrə Gəncə Dövlət Universitetini (GDU) təmsil edən tələbə kimi Tellan Zeynalova seçilib.
Tellan Zeynalova hazırda Gəncə Dövlət Universitetinin İqtisadiyyat və İdarəetmə fakültəsinin IV kurs tələbəsidir. O, həm təhsil göstəriciləri, həm də tələbə fəallığı ilə bu nüfuzlu seçimdə fərqlənib.
Bununla yanaşı, Tellan Zeynalova bir müddət "Kəpəz" televiziyasında həm radio, həm də televiziya sahəsində aparıcı və müxbir kimi fəaliyyət göstərib.
Qeyd edək ki, "İlin tələbələri" Azərbaycan Tələbələri, Express.Xeberler və Xəzər Xəbər TV-nin birgə təşkilatçılığı ilə "Telegram"da keçirilən səsvermənin nəticələrinə əsasən təyin edilib.
