Gəncə şəhər 9 nömrəli tam orta məktəbdə icma əsaslı məktəbəqədər təhsil qrupu fəaliyyətə başlayır.
Gencexeber.az məlumat verir ki, qrup 2,5–5 yaş arası uşaqlar üçün nəzərdə tutulub.
Məşğələlər zamanı uşaqlar rəngləri və həndəsi fiqurları öyrənəcək, nitq, düşünmə və yaradıcılıq bacarıqlarını inkişaf etdirəcəklər. Həmçinin musiqi və rəqs məşğələlərində iştirak edəcək, sosial-emosional inkişaf üzrə bacarıqlar qazanacaqlar.
Bütün dərs ləvazimatları uşaqlara ödənişsiz təqdim olunacaq. Məşğələlər həftədə 4 dəfə, saat 10:00-dan 12:00-dək olmaqla, hər biri 2 saat davam edəcək. Dərsləri müəllimə Röyalə Allahverdiyeva aparacaq.
Maraqlanan şəxslər qeydiyyat və ətraflı məlumat üçün (+994 55) 964 70 00 mobil telefon nömrəsi ilə əlaqə saxlaya bilərlər.
Xatırladaq ki, bu cür qruplar şəhərin bir çox məktəbində fəaliyyətə başlayıb.
