Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində noyabr ayı "Tarix və coğrafiya fənn aylığı" elan edilir.
Gencexeber.az məlumat verir ki, fənn aylığının keçirilməsində əsas məqsəd şagirdlərdə tarix və coğrafiya fənlərinə marağın artırılması, onların milli-mənəvi dəyərlərimizə, tarixi irsimizə və vətənimizin coğrafi xüsusiyyətlərinə dair biliklərinin genişləndirilməsi, eləcə də fənlərin tədrisinin keyfiyyətinin yüksəldilməsidir.
Aylıq çərçivəsində ümumi təhsil müəssisələrində tarix və coğrafiya fənləri üzrə açıq və nümunəvi dərslərin, bilik yarışlarının, viktorinaların, intellektual oyunların, dəyirmi masaların, təqdimatların, layihələrin və müxtəlif maarifləndirici tədbirlərin təşkili nəzərdə tutulur.
