Göygöl rayonunda yanğın hadisəsi baş verib.
Gencexeber.az-ın məlumatına görə, rayonun Yeni Qızılca kəndində fərdi yaşayış evinin həyətindəki 25 ton ot bağlaması qəfil alışıb. Alov daha sonra yaxınlıqda yerləşən tövləyə keçib.
Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin Göygöl Rayon Dövlət Yanğından Mühafizə Hissəsinin yanğınsöndürənləri və texnikası cəlb olunub.
Nəticədə 25 ton ot bağlamasının 9 tonu yanıb, 16 tonu isə mühafizə edilib. Ümumi sahəsi 95 kvadratmetr olan tövlənin 45 kvadratmetri yanıb. Yaxınlıqdakı evlər yanğından mühafizə olunub.
Xoşbəxtlikdən, hadisə nəticəsində xəsarət alan olmayıb.
