2025-ci ildə Gəncə şəhərindən ali təhsil müəssisələrinə qəbul olunan məzunların əksəriyyətini qadınlar təşkil edib.
Gencexeber.az-ın Dövlət Statistika Komitəsindən əldə etdiyi məlumata əsasən, Gəncə şəhərindən ali məktəblərə qəbul olunanların 54,8 faizi qadınlar, 45,2 faizi isə kişilər olub.
Statistikaya görə, Gəncə-Daşkəsən iqtisadi rayonu üzrə ali təhsil müəssisələrinə qəbul olunanların 53,5 faizini qadınlar, 46,5 faizini kişilər təşkil edib.
Gəncə şəhərinin payı iqtisadi rayon üzrə ali məktəblərə qəbul olunan qadınların 62,1 faizini, kişilərin isə 59 faizini təşkil edib.
Qeyd edək ki, statistik məlumatlar 2025-ci ildə ümumi təhsil müəssisələrini bitirərək tam orta təhsil haqqında attestat alan və həmin il ölkənin ali təhsil müəssisələrinə qəbul olunan məzunları əhatə edir.
