Hoteldə ulduz kateqoriyasının müəyyən edilməsi məqsədilə təsdiq edilən meyarlar əsasında audit-yoxlama aparılıb.
Gencexeber.az bildirir ki, Gəncə Regional Turizm İdarəsi tərəfindən Gəncə şəhərində fəaliyyət göstərən yerləşmə müəssisələrində hotellərin ulduz təsnifatı ilə bağlı yerində məlumatlandırma və audit işləri həyata keçirilib.
Yerləşmə müəssisələrinə təşkil olunan səfərlər çərçivəsində hotellərin ulduz təsnifatı barədə ətraflı məlumat verilib, təsdiq olunan meyarlar əsasında hotellərin ulduz təsnifatı meyarlarına uyğunluğu qiymətləndirilib və audit-yoxlama aparılıb. Bununla yanaşı, təsnifat prosesi ilə bağlı müvafiq təlimat və tövsiyələr təqdim olunub.
