"Uşağın doğulmasına görə müavinətin 600 manatdan artırılaraq 1500 manat olacağı proqnozlaşdırılır".
Bunu Milli Məclisin Əmək və sosial siyasət, İqtisadi siyasət, sənaye və sahibkarlıq komitəsinin bu gün keçirilən birgə iclasında Dövlət Sosial Müdafiə Fondunun və İşsizlikdən Sığorta Fondunun 2027-cı il üçün büdcə layihələrinin müzakirəsi zamanı komitə sədri, Gəncənin deputatı Musa Quliyev bildirib.
Komitə sədri əlavə edib ki, 3 yaşadək uşağa qulluğa görə müavinətin isə 37 manatdan 100 manata qaldırılacağı proqnoz edilir:
"2027-ci ildə sığorta olunanlar üçün dəfn pulunun 590 manatdan 700 manata, pensiyaçılar üçün dəfn müavinətlərinin məbləğinin 936 manatdan 1200 manata çatdırılması proqnoz edilir".
Qeyd edək ki, 2027-ci ildə uşaqların anadan olmasına, hamiləliyə və doğuma, əmək qabiliyyətinin müvəqqəti itirilməsinə, 3 yaşadək uşaqlara qulluğa və dəfn üçün müavinətlərin maliyyələşdirilməsinə görə ümumilikdə 281 milyon manat vəsait nəzərdə tutulub.
Mənbə: qafqazinfo.аz
