Gəncəli parataekvondoçu İmaməddin Xəlilov Türkiyə Açıq Beynəlxalq Turnirində bürünc medal qazanıb.
Gencexeber.az məlumat verir ki, Antalya şəhərində keçirilən turnirdə K44 kateqoriyası üzrə 70 kiloqram çəki dərəcəsində mübarizə aparan idmançımız 1/8 final mərhələsində İvan Ovçarov (Rusiya), 1/4 finalda isə Mehmet Ünal (Türkiyə) üzərində qələbə qazanaraq yarımfinala yüksəlib. Yarımfinal mərhələsində mübarizəni dayandıran təmsilçimiz turniri bürünc medalla başa vurub.
Qeyd edək ki, əldə olunan bu nəticə "Los Angeles 2028 Summer Paralympics" üçün reytinq xallarının qazanılması baxımından mühüm əhəmiyyət kəsb edir.
