Gəncənin Məhsəti qəsəbəsində sakinlər üçün təhlükə yaradan əyilmiş dirək demontaj edilib.
Gencexeber.az-ın məlumatına görə, 17-ci küçədə, 8 saylı evin qarşısında yerləşən telefon xətlərinin çəkildiyi dirək bir neçə il əvvəl əyilməyə başlayıb. Sakinlərin Gəncə Telekommunikasiya Qovşağına (GTQ) dəfələrlə müraciət etməsinə baxmayaraq, problem uzun müddət həllini tapmayıb.
Noyabrın 6-da redaksiyamız tərəfindən məsələ ictimailəşdirildikdən sonra problem qısa müddətdə aradan qaldırılıb.
Belə ki, əraziyə cəlb olunan aidiyyəti qurumun texnikası və əməkdaşları əyilmiş dirəyi sökərək ərazidən götürüblər. Bununla sakinlərin intensiv hərəkət etdiyi ərazidə təhlükəsiz mühit bərpa edilib.
