"Gəncə Mall" ticarət mərkəzinin qarşısında qaraçıların davranışı vətəndaşların narazılığına səbəb olur.
Gencexeber.az-a müraciət edən Gəncə sakinlərinin sözlərinə görə, ərazidə dolaşan qaraçılar yoldan keçən insanlara yaxınlaşaraq onların rahat hərəkət etməsinə mane olurlar. Həmçinin insanların ardınca düşür, israrla pul tələb edir, bəzən isə nalayiq ifadələr işlədirlər.
Bundan başqa, onların yolu qəfil və qaçaraq keçməsi sürücülər üçün də təhlükəli vəziyyət yaradır. Bu hallar avtomobillərin hərəkətinə mane olur, sürücülərdə əsəb və gərginliyə səbəb olur.
Vətəndaşlar aidiyyəti qurumların ərazidə nəzarəti gücləndirməsini və ictimai asayişin təmin olunması üçün müvafiq tədbirlər görməsini xahiş edirlər.
Məsələ ilə bağlı redaksiyamız tərəfindən Daxili İşlər Nazirliyinin Mətbuat Xidmətinin regional qrupuna sorğu ünvanlanıb.
