Kitabın sehrli dünyası bu dəfə qədim Nizami yurdu – Gəncəyə gəlir! Üç gün ərzində Gəncə kitabsevərləri, oxucuları və ədəbiyyat həvəskarlarını bir araya gətirəcək möhtəşəm kitab bayramına ev sahibliyi edəcək.
Gencexeber.az məlumat verir ki, 13–15 noyabr tarixlərində, saat 10:00-dan 19:00-dək Gəncə Dövlət Filarmoniyasında keçiriləcək V Gəncə Kitab Sərgisində müxtəlif nəşriyyatların kitabları, zəngin ədəbi mühit və oxucular üçün maraqlı görüşlər təqdim olunacaq.
Sərgi Azərbaycan Respublikası Mədəniyyət Nazirliyi, Gəncə Şəhər İcra Hakimiyyəti, Gəncə-Daşkəsən Regional Təhsil İdarəsi, Azərbaycan Dövlət Aqrar Universiteti və Azərbaycan Nəşriyyatlar Assosiasiyasının təşkilatçılığı ilə keçirilir.
📍 Gəncə Dövlət Filarmoniyası
📅 13–15 noyabr
🕙 10:00–19:00
