Gəncənin bir sıra küçələrində işıqlandırma sistemində yaranmış nasazlıqlar aradan qaldırılıb.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən (MKTİB) verilən məlumata görə, Cavad xan, Səməd Vurğun və Azərbaycan küçələrində işıqlandırma sistemi hazırda normal fəaliyyət göstərir.
Bununla yanaşı, Fikrət Əmirov küçəsində yerləşən yaşayış binalarının həyətlərində həyata keçirilən layihələr çərçivəsində yeni işıqlandırma sistemləri quraşdırılıb.
MKTİB-dən bildirilib ki, görülən işlər nəticəsində şəhərin bir sıra ərazilərində küçə və məhəllələrin işıqlandırılması təmin olunub.
