Gəncə Dünya Məktəbinin şagirdi Rəsul Mürsəlov beynəlxalq uğura imza atıb.
Gencexeber.az-ın məlumatına görə, uşaq riyaziyyat fənni üzrə Amerika Riyaziyyat Olimpiadasında (AMO) yüksək nəticə göstərərək həmyaşıdları arasında Azərbaycan üzrə I yerə, dünya üzrə isə 17-ci yerə layiq görülüb.
Qeyd edək ki, AMO olimpiadası dünyanın müxtəlif ölkələrindən olan məktəblilərin müxtəlif fənlər üzrə bilik və bacarıqlarının qiymətləndirildiyi nüfuzlu beynəlxalq yarışlardan biridir.
Əldə olunan bu nəticə Rəsul Mürsəlovun ardıcıl zəhmətini, riyaziyyata olan marağını və daim inkişaf etməyə yönəlmiş əzmini açıq şəkildə nümayiş etdirir.
Məlumat üçün bildirək ki, Rəsul Samir oğlu Mürsəlov 8 yaşındadır. O, hazırda Gəncə Dünya Məktəbinin III sinif şagirdidir.
