Gəncədə "İmamzadə ziyarətgah" kompleksinin yaxınlığındakı avtobus dayanacağına qədər olan yolun işıqlandırılmaması sakinlərin narahatlığına səbəb olur.
Gencexeber.az-a müraciət edən vətəndaşların sözlərinə görə, ərazidə küçə işıqları yoxdur, eyni zamanda çoxsaylı sahibsiz itlər toplaşır. Bu isə xüsusilə axşam saatlarında piyadalar üçün təhlükə yaradır.
Sakinlər aidiyyəti qurumlardan İmamzadə ziyarətgahı kompleksinin qarşısından avtobus dayanacağına qədər olan məsafədə küçə işıqlandırmasının təmin olunmasını xahiş edirlər.
Məsələ ilə bağlı Gəncə Şəhər Mənzil-Kommunal Təsərrüfatı İstehsalat Birliyinə (MKTİB) sorğu ünvanlanıb.