Gəncə sakini Türkiyədə iki ölkənin şəhidlərini yad edib.
Gencexeber.az-ın məlumatına görə, Türkiyənin Bolu şəhərində yaşayan Gəncə şəhər M.A. Abbaszadə adına 20 nömrəli tam orta məktəbin məzunu Rüfət Tofiq oğlu Səfərov Azərbaycan və Türkiyə şəhidlərinin əziz xatirəsinə ehsan verib.
19 yaşlı gənc tərəfindən təşkil edilən mərasimdə həm azərbaycanlı, həm də türkiyəli gənclər iştirak edib. Ehsan zamanı hər iki qardaş ölkənin şəhidlərinin ruhuna dualar oxunub, onların vətən yolunda göstərdikləri qəhrəmanlıq hörmətlə anılıb.
