Gəncənin mərkəzi küçələrindən biri olan Təbriz küçəsində və Atabəylər prospektində küçə işıqları işləmir. Nəticədə sözügedən ərazilər axşam saatlarında tamamilə qaranlığa bürünür.
Məsələ ilə bağlı Gencexeber.az-a şikayət ünvanlayan sakinlərin sözlərinə görə, işıqlandırma sisteminin uzun müddətdir işləməməsi nəqliyyatın hərəkətini çətinləşdirir, piyadalar üçün isə təhlükə mənbəyinə çevrilib:
“Yəni sözügedən hallar nəinki narahatlıq doğurur, eyni zamanda təhlükə də yaradır. Mərkəzi küçələrin bu vəziyyətdə olması çox acınacaqlı haldır. Aidiyyəti qurumlardan problemi qısa zamanda həll etməyi tələb edirik”.
