Göygöl və Goranboy rayonlarında bıçaqlanma hadisələri qeydə alınıb.
Gencexeber.az-ın məlumatına görə, Göygöl rayonunda yerləşən restoranların birində qeydə alınan hadisə zamanı 1999-cu il təvəllüdlü Elmar Mustafayev bıçaqlanıb. O, dərhal xəstəxanaya yerləşdirilib. Hazırda vəziyyətinin kafi olduğu bildirilir.
Digər hadisə isə Goranboy rayonunun Nizami kəndində baş verib. Belə ki, həmkəndlilər arasında yaranan mübahisə dava ilə nəticələnib. Hadisə zamanı Pərvin Əsgərov bıçaq xəsarəti alaraq Gəncədə yerləşən xəstəxanalardan birinə yerləşdirilib.
Hər iki faktla bağlı polis əməkdaşları tərəfindən araşdırma aparılır.
