Fərdi yaşayış evində yanğın baş verib.
Gencexeber.az-ın məlumatına görə, hadisə Şəmkir rayonunun Qaracəmirli kəndində qeydə alınıb. Kənd sakini, 1972-ci il təvəllüdlü Xaləddin Məmmədova məxsus, 4 nəfərlik ailənin yaşadığı ümumi sahəsi 155 kvadratmetr olan 4 otaqlı fərdi yaşayış evində qəfil yanğın başlayıb.
Hadisə yerinə dərhal Fövqəladə Hallar Nazirliyinin Dövlət Yanğından Mühafizə Xidmətinin Şəmkir Rayon Dövlət Yanğından Mühafizə Hissəsinin əməkdaşları və yanğınsöndürən texnikaları cəlb olunub.
Yanğın nəticəsində ev əşyaları ilə birlikdə tamamilə yanaraq yararsız vəziyyətə düşüb. Yanğınsöndürənlərin operativ müdaxiləsi sayəsində alovun yaxınlıqdakı tikililərə keçməsinin qarşısı alınıb.
Xoşbəxtlikdən hadisə zamanı xəsarət alan olmayıb. Faktla bağlı araşdırma aparılır.
