Şəmkir rayonunda bədbəxt hadisə baş verib.
Gencexeber.az məlumat verir ki, hadisə rayonun Yeni Yol kəndində qeydə alınıb. Kənd sakininə məxsus evin həyətində quyuda hörgü işləri aparılan zaman qəfil divar uçqunu baş verib.
Nəticədə iki nəfər mişar daşlarının altında qalıb. Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin Şəmkir Rayon Dövlət Yanğından Mühafizə Hissəsinin yanğınsöndürən-xilasediciləri cəlb olunublar.
Uçqun zamanı dağıntılar altından Göygöl rayon sakini, 1982-ci il təvəllüdlü İlqar Quliyevin cansız bədəni və xəsarət alan Şəmkir rayonunun Yeni Yol kənd sakini, 1973-cü il təvəllüdlü Ələddin Bayramov çıxarılıb.
Vəfat edən şəxsin nəşi aidiyyəti üzrə təhvil verilib. Zərərçəkən xəstəxanalardan birinə göndərilib.
Faktla bağlı Şəmkir Rayon Prokurorluğunda araşdırma aparılır.
