Xəbər verdiyimiz kimi, gənc aşıq – Turan Tovuzlunun babasının tabutu qarşısında saz çalması sosial şəbəkələrdə geniş müzakirələrə səbəb olub. Bəzi istifadəçilər bu addımı tənqid edib.
Gencexeber.az məlumat verir ki, yayılan görüntülərlə bağlı Turan Tovuzlu sosial media hesabında video paylaşaraq məsələyə aydınlıq gətirib.
Gənc aşıq bildirib ki, saz çalması mərhum babasının sağlığında ona etdiyi vəsiyyətlə bağlıdır:
"Bu, babamın vəsiyyəti idi. Dəfn günü molladan və din adamlarından icazə almışdım. Onlar bunun heç bir günah olmadığını, əksinə, savab olduğunu söylədilər. Allah bütün ölənlərinizə rəhmət eləsin".
