Bir neçə nəfərin xəsarət alması ilə nəticələnən yol-nəqliyyat hadisəsi baş verib.
Gencexeber.az-ın məlumatına görə, qəza Tovuz rayonunun Dondar Quşçu kəndində qeydə alınıb. Tural Əli oğlu Mustafayevin idarə etdiyi "Mercedes" markalı minik avtomobili hərəkətdə olarkən idarəetmədən çıxaraq kəndin girişindəki divara çırpılıb.
Hadisə nəticəsində avtomobildə olan şəxslər – 1983-cü il təvəllüdlü Şuşa şəhər sakini Tural Mustafayev, 1998-ci il təvəllüdlü Tovuz rayon sakini Elşən Nüsrət oğlu Nəzərov və 1976-cı il təvəllüdlü Şəmkir rayon sakini Aynurə Adil qızı Vəliyeva müxtəlif dərəcəli bədən xəsarətləri alıblar.
Yaralılar Təcili Tibbi Yardım briqadasının köməyi ilə Tovuz Rayon Mərkəzi Xəstəxanasına çatdırılıb. Həkimlərin ilkin rəyinə əsasən, onların vəziyyəti orta-ağır qiymətləndirilir.
Faktla bağlı araşdırma aparılır.
