Gəncə şəhər Heydər Əliyev Park-Kompleksində yerləşən süni göldə təmir-bərpa işləri həyata keçirilib.
Gencexeber.az-ın məlumatına görə, işlər Azərbaycan Dövlət Su Ehtiyatları Agentliyinin tabeliyindəki Regional Su Meliorasiya Xidmətinin sifarişi əsasında aparılıb.
Ərazidə 380 metr uzunluğunda su ötürücü borunun çəkilişi həyata keçirilib. Bununla yanaşı, gölün yamacları beton tavalarla üzlənib. Burada 50-yə yaxın işçi, 10-a yaxın texnika çalışıb.
6 hektar əraziyə malik süni gölün dekabr ayında təhvil veriləcəyi gözlənilir. Gölə suyun buraxlmasına başlanılıb. Eləcə də orada müxtəlif balıq növləri olacaq.
Xatırladaq ki, süni göl 2023-cü ilin yaz aylarında qonşu rayonların ərazisindən gələn sel suları nəticəsində daşaraq, ətrafda yerləşən yaşayış sahələri üçün təhlükə yaradıb. Dibi lil və palçıqla dolan gölün suyu aidiyyəti qurumlar tərəfindən tamamilə çəkilmişdi.
