Gəncədə cari ilin “Yaşıl dünya naminə həmrəylik ili” elan olunması ilə əlaqədar olaraq tədbir keçirilib. Bu haqda 18 yanvar tarixində Mərkəzləşdirilmiş Kitabxana Sisteminə istinadən xəbər veririk.
Mərkəzi Kitabxananın Xidmət şöbəsində “Sabah üçün bu günü qoru!” başlıqlı informasiya saatı baş tutub. Burada tələbə və gənclərə ətraf mühitin çirklənməsi, təbii sərvətlərin tükənməsi və nəticədə ekoloji tarazlığın pozulması qorxusunun, təbiətlə cəmiyyət arasında əlaqələrin tənzimlənməsi zərurətinin yaranması haqqında məlumat verilib.
İnformasiya saatında bildirildi ki, erkən yaşlardan uşaqlarda, gənclərdə təbiət hadisələrinə düzgün baxışlar yaratmaq, onlara təbiəti, canlıları sevdirmək, qəlblərində xeyirxahlıq hissləri oyatmaq lazımdır.
