Gəncədə bir sıra küçələrdə lüklər və çuxurlar avtomobil və piyadalar üçün çətinlik yaradır. Bu haqda Gencexeber.az-a 31 yanvar tarixində məlumat daxil olub.
Sözugedən vəziyyət Əttarlar, Sədi Şirazi və Yusif Məmmədəliyev küçələrində müşahidə olunur. Adıçəkilən ərazilərdə lüklər və quyular baxımsız vəziyyətdədir.
Sədi Şirazi küçəsində artezian quyusunun üstü açıqdır. Lük piyada səkisində yerləşir. Yusif Məmmədəliyev küçəsində isə lük avtomobil yolundadır. Sakinlər təhlükəsizlik üçün həmin lükün üstünü dəmir parça ilə örtüb, ətrafına isə xəbərdarlıq üçün daş qoyublar.
[modula id="54113"]
