Gəncədə təlim keçirilib. Bu haqda 15 noyabr tarixində Regional Gənclər və İdman İdarəsinə istinadən məlumat veririk.
Gənclər və İdman Nazirliyinin Sənəd dövriyyəsi və vətəndaşların müraciətləri şöbəsi tərəfindən Gəncə-Daşkəsən Regional Gənclər və İdman İdarəsinin əməkdaşları üçün kargüzarlıq işinin tələb olunan səviyyədə aparılması məqsədilə təlim təşkil olunub. Burada Gənclər və İdman Nazirliyinin Sənəd dövriyyəsi və vətəndaşların müraciətləri şöbəsinin müdiri Mehriban QuIiyeva, sektor müdirləri - Elşən Babayev və Əli Məmmədov, şöbənin aparıcı məsləhətçisi Sayalı Məmmədova, baş mütəxəssis Elşən Teymurov, Gəncə-Daşkəsən Regional Gənclər və İdman İdarəsinin rəisi İntiqam Hüseynov və əməkdaşları iştirak ediblər.
Təlimdə qonaqlara zəruri məlumatlar verilib və onları maraqlandıran suallar cavablandırılıb.
Sonda idarədə aparılan kargüzarlıq işinin vəziyyətinə baxış keçirilib, yerindəcə əməli köməklik göstərilib və müvafiq tövsiyələr verilib.
