Gəncədə qarın təsərrüfata təsiri barədə danışılıb. Bu haqda 18 yanvar tarixində Kəpəz televiziyasına istinadən məlumat veririk.
Yaxın günlərdə yağan qar əkinçiləri sevindirib. Onların sözlərinə görə, ötən illərdə yanvarın ortasında yağıntı qeydə alınmırdı. Bu səbəbdən tarlalarda əkilən taxılın, xüsusilə də dəmyə ərazilərdəki bitkilərin quraqlıq səbəbindən məhsuldarlığı aşağı olurdu. Fermerlər bildirirlər ki, qış bu şəkildə davam etsə və yazadək bir neçə dəfə yağıntı düşsə, kollama fazasında olan bitkinin məhsuldarlığı artacaq.
Həmçinin qış aylarında qarın normada yağması su ehtiyatlarının bol olmasına gətirib çıxarır. Bu, yay dövründə bol sululuğa şərait yaradaraq əkinlərin suvarılması üçün önəmlidir.
