Gəncədə Regional Təhsil İdarəsinin inzibati binasında tədbir keçirilib. Bu haqda Regional Təhsil İdarəsinə istinadən xəbər veririk.
Hesabat tədbiri idarə müdiri, idarə əməkdaşları və sektor müdirlərinin iştirakı ilə baş tutub. Burada tədrisin keyfiyyəti sektorunun əməkdaşları inklüziv təhsil, icma əsaslı məktəbəqədər təhsil qrupları, peşə təmayüllü siniflər, Steam və Rəqəmsal bacarıqlar mövzusunda təqdimatlarla çıxış ediblər.
Toplantıda, həmçinin Anar Qədiməliyev hədəflər və görüləcək işlər barədə məlumat verib. Daha sonra inzibati təşkilat sektorunun müdiri Azər İbrahimov sənədlərlə və vətəndaşlarla iş, sosial şəbəkə hesabları ilə iş, təhsil müəssisələri üzrə işə qəbul, aparat və sektorlar üzrə işə qəbul, çalışmanın yaş həddinə çatan və müddətli əmək müqaviləsi ilə çalışan işçilərlə işin təşkili, dərs saatlarının idarə olunması və intizam tənbehi haqda danışıb.
