Gəncə Dövlət Universitetində 2 fevral - Gənclər Günü münasibətilə tədbir keçirilib. Bu haqda 2 fevral tarixində təhsil ocağına istinadən xəbər veririk.
Tədbirin əvvəlində gənclər siyasəti nəticəsində əldə olunan uğurlardan bəhs edən videoçarx nümayiş olunub. Daha sonra universitetin Humanitar məsələlər üzrə prorektoru Gülsüm Fətəliyeva və Həmkarlar İttifaqı Komitəsinin sədri Afaq Qasımova çıxış ediblər. Onlar Azərbaycan dövlətinin gənclərin milli ruhda tərbiyə almasına xüsusi diqqət yetirdiyini və həyata keçirilən məqsədyönlü tədbirlərin məhz bu amala xidmət etdiyini deyiblər.
Görüşdə Riyaziyyat-informatika fakültəsinin tələbəsi Aysun Cavadova ” 2 Fevral Günü ümummilli liderimiz Heydər Əliyevin gənclərə hədiyyəsidir”, Filologiya fakültəsinin tələbəsi Rüqəyya Əliyeva “Sağlam gənclik millətin inkişaf təməlidir”, Filologiya fakültəsinin tələbəsi Mehriban İsayeva “Biz sabaha İlhamla irəliləyən gənclərik” mövzularında çıxış ediblər. Sonda təhsildə və ictimai işlərdə fərqlənən universitetin bir qrup tələbəsinə Fəxri Fərman təqdim edilib.
