Gəncədə universitetlərin birində rektor tələbələrlə görüşüb. Bu haqda 1 fevral tarixində Azərbaycan Texnologiya Universitetinə istinadən xəbər veririk.
Azərbaycan Texnologiya Universitetinin rektoru vəzifəsini müvəqqəti icra edən Yaşar Ömərovun tələbələrlə görüşü baş tutub. Görüşdə gənclərə dərslərdə nizam-intizamlı, məsuliyyətli olmaq, bilik və bacarıqlarını artırmaq, ölkəmizi və universitetimizi layiqincə təmsil edərək, onlara göstərilən etimadı doğrultmaq tövsiyə edilib.
Universitetin üç tələbəsi Erasmus+ Mübadilə Proqramı çərçivəsində növbəti semestrdən təhsilini Avropada davam etdirəcək. Magistr tələbələri Şükufə Əliyeva Granada Universitetində (İspaniya), Tural Veyisov Jaen Universitetində (İspaniya), bakalavr tələbəsi Fatimə Xəlilova isə Varşava Ekologiya və Menecment Universitetində (Polşa) təhsillərini davam etdirəcəklər.
