Gəncədə universitetlərin birində tədbir baş tutub. Bu haqda 2 fevral tarixində Azərbaycan Dövlət Aqrar Universitetinə istinadən xəbər veririk.
Azərbaycan Dövlət Aqrar Universitetində 2 fevral - Azərbaycan Gəncləri Gününə həsr olunmuş tədbir keçirilib. Təhsil ocağının rektoru bildirib ki, dövlət tərəfindən gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait bu sahəyə böyük diqqətin nəticəsidir.
Tədbirdə çıxış edən universitetin Tələbə Həmkarlar İttifaqı Komitəsinin sədri İbrahim Qasımov, Tələbə Gənclər Təşkilatının sədri Nizami Məmmədov və Aqrar Gənclər təşkilatının sədri Əli Məmmədov ölkəmizdə gənclərə həmişə böyük diqqət və qayğı ilə yanaşıldığını, onların problemlərinin həlli istiqamətində həyata keçirilən tədbirlərə xüsusi önəm verildiyini deyiblər.
