Gəncədə kitab təqdimatı keçirilib. Bu haqda 29 yanvar tarixində Mərkəzləşdirilmiş Kitabxana Sisteminə istinadən xəbər veririk.
15 saylı kitabxanada “44 Günlük Zəfər Tarixinin Gəncə Şəhidləri” adlı kitabının təqdimatı baş tutub. Kitabın müəllifi teatrşünas-tənqidçi Anar Burcəliyevdir. Təqdim olunan kitab 44 günlük Vətən müharibəsinin Gəncə Şəhidlərinin əziz xatirəsinə həsr olunub.
Kitabda İlham Əliyevin xalqımıza müraciəti və Vətən müharibəsi günlərində Ermənistan silahlı qüvvələrinin Gəncə şəhərini raket atəşinə tutması nəticəsində həlak olan mülki şəhidlərin siyahısı da öz əksini tapıb. Tədbirin sonunda məktəblilər şəhidlərə həsr olunmuş şeirlər söyləyiblər.
