Göygöl rayonunda fəaliyyət göstərən heyvan bazarında Qurban bayramı öncəsi qiymət artımı alıcıların narazılığına səbəb olub.
Alıcılar tərəfindən Gencexeber.az-a bildirilib ki, bayramın ilk günündə heyvanların qiymətində süni artım müşahidə olunur. Onların sözlərinə görə, quzuların qiyməti 250 manatdan başlayaraq 400-500 manatadək dəyişir.
“Bayramdır, ona görə bahadır. Amma bu qədər olmaz”, – deyə bir alıcı bildirib.
Satıcılar isə qiymətlərin əvvəlki il ilə müqayisədə dəyişmədiyini, sadəcə tələb çoxaldıqca seçim imkanlarının azaldığını deyirlər.
Digər tərəfdən, sakinlər qeyd edirlər ki, adi qəssabxanalarda quzunun bir kiloqramı 18-19 manata satıldığı halda, qurbanlıq heyvanların qiyməti hekun hesabda 20 manatı keçir. Bu isə əlavə suallar doğurur və bayram ərəfəsində insanlara maddi sıxıntı yaşadır.
