Gəncəli idmançı Rasim Xəlilov Bakıda keçirilən taekvondo üzrə ənənəvi "Koreya Səfiri Kuboku" turnirində uğur qazanıb.
Gencexeber.az xəbər verir ki, sentyabrın 25-də Fövqəladə Hallar Nazirliyinin İdman-sağlamlıq klubunda təşkil olunan yarışda 2009–2011-ci il təvəllüdlü idmançılar mübarizə aparıblar.
Azərbaycan millisinin üzvü, 17 yaşlı Rasim Xəlilov yeniyetmələr arasında 48 kq çəki dərəcəsində ikinci yeri tutaraq gümüş medala layiq görülüb.
Yarışın sonunda Koreya Respublikasının Azərbaycandakı səfiri Rasim Xəlilovu uğuru münasibətilə təbrik edərək ona müxtəlif hədiyyələr təqdim edib.
Qeyd edək ki, Şaxmar Nağıyevin yetirməsi olan idmançı bu il Gəncə şəhər 40 nömrəli tam orta məktəbi bitirib.
