39 yaşlı qadın keçmiş həyat yoldaşına xəsarət yetirib.
Şəmkir rayonunda 1987-ci il təvəllüdlü Təhminə keçmiş həyat yoldaşı Pənaha (adlar şərtidir – red.) zorakılıq göstərib.
İstintaq sənədlərinə görə, onların övladları Ruslan Rusiyada polis tərəfindən saxlanılıb. Bu zaman isə boşansalar da, eyni evdə yaşayan cütlük övladlarının yanına getmək üstündə mübahisə ediblər. Bu zaman Təhminə qaz sobasının üzərində olan qaşığı götürərək keçmiş ərinin baş nahiyəsinə zərbə vuraraq Pənahın təpə nahiyəsini əzib.
Təhminənin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Qadın iş üzrə izahat verərkən ona elan olunmuş ittiham üzrə özünü təqsirli bilib.
Zərərçəkmiş Pənah da təqsirləndirilən şəxsin ifadəsi ilə eyni məzmunlu ifadə verib. O, təqsirləndirilən şəxsin onun keçmiş arvadı olduğunu, onunla barışdığını, ona dəymiş zərərin tamamilə ödənildiyini, keçmiş arvadından şikayət və tələbinin olmadığını bildirib.
Şəmkir Rayon Məhkəməsinin hökmü ilə Cinayət Məcəlləsinin 73.2-ci maddəsinə əsasən təqsirləndirilən şəxsin barəsində olan cinayət işinə xitam verilib və o, cinayət məsuliyyətindən azad edilib.
Mənbə: demokrat.аz
