2020-ci il sentyabrın 27-də Ermənistanın təxribatlarına cavab olaraq Azərbaycan ordusu sonradan "Dəmir yumruq" adlanacaq əks-hücum əməliyyatına başlayıb.
Gencexeber.az məlumat verir ki, münaqişənin ikinci günündə hərbi əməliyyatlar artmağa davam edib və regionda gərginlik kritik həddə çatıb. Hər iki tərəf strateji ərazilər uğrunda gərgin mübarizə aparıb. Silahlı qüvvələrimiz Dağlıq Qarabağ və ətraf rayonlarda erməni mövqelərinə qarşı uğurlu əməliyyatlar aparıb.
Sentyabrın 28-də Ermənistan ordusunun üç silah-sursat anbarı, eləcə də onlarla texnikası və 550-dən çox hərbi qulluqçusu məhv edilib. Düşmənə xeyli ziyan dəymiş Talış kəndi ətrafındakı əsas yüksəkliklər isə azad edilib.
Tərtərdə gedən döyüşlər nəticəsində 3 nəfər həlak olub, daha 5 nəfər yaralanıb.
