III MDB oyunlarına hazırlaşan Gəncədə abadlıq-quruculuq işləri davam etdirilir.
Gencexeber.az bildirir ki, Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən baş meydanda və ətraf ərazilərdə mövcud olan skamyalar, güldanlar, kiçik tutumlu zibil qabları boyanır.
MKTİB-nin Təmir-tikinti və qəza xidməti şöbəsinin əməkdaşları tərəfindən ağ və qəhvəyi rəngdən istifadə edilməklə boyama işləri bir neçə gün davam edəcək.
Qeyd edək ki, Gəncə şəhər Mənzil Kommunal Təsərrüfatı İstehsalat Birliyi tərəfindən həyata keçirilən bu kimi işlər, qədim şəhərin estetik görünüşünə gözəllik qatmaqla yanaşı, sakinlərin, eləcə də Gəncənin qonaqlarının mənalı istirahətini və rahatlığını təmin etmək məqsədi daşıyır.
