Ağdaş Olimpiya İdman Kompleksində Vətən müharibəsi şəhidlərinin xatirəsinə həsr olunmuş uşu üzrə Respublika turnirinə start verilib.
Gencexeber.az-ın məlumatına görə, Azərbaycan Uşu Federasiyasının təşkilatçılığı ilə keçirilən yarışda respublikanın müxtəlif bölgələrindən gəlmiş 100-ə yaxın yeniyetmə və gənc idmançı qüvvəsini sınayır. Yarış iştirakçıları müxtəlif çəki dərəcələrində mübarizə apararaq çempionluq uğrunda çıxış edirlər.
Bu yarışda Gəncə şəhərini 2010-cu il təvəllüdlü Yusif Şahmarzadə təmsil edib. Şəxsi məşqçisi İlqar Əliyevin rəhbərliyi altında 56 kiloqram çəki dərəcəsində çıxış edən yeniyetmə bütün rəqiblərinə qalib gələrək çempion adına layiq görülüb.
Qalib diplom, medal və kubokla təltif olunub.
