Gəncəli influenser Aynişan Quliyeva dünyanın ən nüfuzlu kino tədbirlərindən biri olan 82-ci Beynəlxalq Venesiya Film Festivalına qatılıb.
Gencexeber.az məlumat verir ki, məşhur "Armani Beauty" brendinin dəvəti ilə gənc bloqer festivalın rəsmi qonağı kimi İtaliyaya dəvət edilib. Aynişan Quliyeva brendin xüsusi dəvətlisi qismində qırmızı xalçaya çıxaraq diqqəti özündə cəmləyib. O, bununla bağlı şəxsi sosial şəbəkə hesabında maraqlı görüntülər paylaşıb.
Məlumat üçün bildirək ki, festival sentyabrın 6-dək davam edəcək. Aynişan Quliyeva tədbirə "Foxy İnsider" şirkətinin vasitəçiliyi ilə festivala qatılıb.
Qeyd edək ki, Aynişan Quliyeva Əməkdar artist Aybəniz Haşımovanın və I Qarabağ müharibəsi şəhidi Xalid Quliyevin qızıdır.
