Gəncədə zibil poliqonu sahibsiz heyvanlarla dolub.
Gencexeber.az-a daxil olan yeni videogörüntülərə əsasən, Gəncə şəhərinin Cavad xan (Avtozavod) qəsəbəsində yerləşən zibil poliqonu sahibsiz heyvanların və donuzların məskəninə çevrilib.
Görüntülərdən aydın olur ki, ərazi sahibsiz itlərin və donuzların sərbəst dolaşdığı məkan olub. İtlərin sayının çoxalmasına səbəb isə onların toplanması işləri zamanı Gəncədə cari ilin yanvar ayında maddi çətinliklər səbəbilə fəaliyyətini dayandıran “Yuva” sığınacağına deyil, sözügedən zibil poliqonuna aparılıb atılması olub.
Bir qrup vətəndaş heyvanlara bu cür münasibətin qəbuledilməz olduğunu, onların aqibətinin qeyri-müəyyən qaldığını bildirirlər. Sakinlər aidiyyəti qurumlardan məsələyə dərhal müdaxilə olunmasını və heyvanların sağlam şəraitə yerləşdirilməsini tələb edirlər.
