Gəncə şəhərinin Gülüstan qəsəbəsində sakinlər təhlükə ilə üz-üzə qalıblar.
Gencexeber.az-a sakinlər tərəfindən daxil olan şikayətə görə, Tofiq Bağırov küçəsində yerləşən “Dost İnşaat”ın qarşısı inşaat materialları ilə zəbt olunub. Nəticədə piyadalar məcburən avtomobil yolu ilə hərəkət etməli olurlar.
Ərazidə asfalt örtüyü yaxşı vəziyyətdə olduğundan maşınlar yüksək sürətlə hərəkət edir. Bu isə həm piyadalar, həm də sürücülər üçün ciddi təhlükə yaradır.
Sakinlər aidiyyəti qurumlardan məsələyə müdaxilə etməyi və səkilərin piyadaların istifadəsinə qaytarılmasını tələb edirlər.
