Gəncədə baş verən zəhərlənmə hadisəsi barədə mediada yayımlanan məlumat əsasında Qida Təhlükəsizliyi Agentliyi aidiyyəti qurumlarla birgə araşdırmalar aparır.
Gencexeber.az məlumat verir ki, bu barədə AQTA-nın açıqlamasında deyilir.
"İlkin müayinə nəticəsində həmin şəxslərə dəqiqləşdirilməmiş qastroenteritlər və kolitlər diaqnozu qoyulub. Agentliyin mütəxəssisləri tərəfindən müvafiq nümunələr götürülərək laborator müayinələrə cəlb olunub. Araşdırmalar davam etdirilir", məlumatda bildirilib.
10:55
Gəncədə iki nəfər zəhərlənmə şübhəsi ilə xəstəxanaya yerləşdirilib.
Gencexeber.az-a TƏBİB-dən verilən məlumata görə, 20.06.2025-ci il tarixində saat 22:10 radələrində 2 nəfər (kişi cinsli) dəqiqləşdirilməmiş qastroenteritlər və kolitlər diaqnozu ilə Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Yoluxucu xəstəliklər şöbəsinə hospitalizasiya olunub.
Pasiyentlərə zəruri tibbi xidmətlər göstərilib. Vəziyyətləri qənaətbəxş qiymətləndirilən şəxslər daha sonra ambulator müalicə üçün evə buraxılıblar.
