Gəncədə dirəyin avtomobil yolunun ortasında yerləşməsi sürücülərin narazılığına səbəb olur.
Gencexeber.az-ın məlumatına əsasən, sözügedən hal Nətavan qəsəbəsinin 4-cü küçəsində yaşanır. Elektrik naqillərinin keçdiyi beton dirəyin (üç ayaqlı dirəyin) bir ayağı avtomobil yolunun ortasında yerləşir. Nəticədə nəqliyyat vasitələrinin hərəkəti məhdudlaşır, bəzi avtomobillər isə ümumiyyətlə buradan keçə bilmir.
“Yoldan avtomobil keçə bilmir. Bundan başqa, dirəkdə çatlar var. Piyada və avtomobillərin üzərinə düşə bilər” – şikayətçi qeyd edib.
Sakinlər aidiyyəti qurumlardan problemin tezliklə aradan qaldırılmasını və dirəyin təhlükəsiz yerə köçürülməsini tələb edirlər.
