Gəncə şəhərində yol-nəqliyyat hadisəsi baş verib.
Gencexeber.az-ın məlumatına görə, qəza Nəriman Nərimanov prospekti ilə Bəxtiyar Əliyev küçəsinin kəsişməsində qeydə alınıb. Minik avtomobilinin sürücüsü hərəkətdə olarkən idarəetməni itirib və maşın yol kənarındakı işıqfora çırpılıb.
Zərbənin gücündən avtomobilə ciddi ziyan dəyib, işıqfor isə tamamilə yararsız hala düşüb. Hazırda həmin ərazidə işıqforun işləməməsi avtomobillərin təhlükəsiz hərəkətinə maneə yaradır.
Əraziyə müvafiq qurumlar cəlb olunub. Qəzanın səbəbləri araşdırılır.
