Gəncəli idmançılar turnirdə medallar uğrunda mübarizə aparacaqlar. Bu haqda 26 yanvar tarixində Azərbaycan Cüdo Federasiyasına istinadən xəbər veririk.
Portuqaliyanın Odivelas şəhərində Qran Pri turnirinin püşkatma mərasimi keçirilib. Püşkatmanın nəticələrinə görə, Azərbaycan cüdoçularının ilk rəqibləri məlum olub.
Turnirdə mübarizə aparacaq 48 kiloqram çəki dərəcəsində olan Könül Əliyeva Çindən olan rəqibi Ka Li Vonqla görüşəcək. Növbəti təmsilçimiz 60 kiloqram çəki dərəcəsində çıxış edən Turan Bayramovun isə rəqibləri Portuqaliyalı Coau Amaro Martins və İtaliyalı Anqelo Pantano olacaqlar.
Qran Pri turniri 26 yanvar 11:30-da başlayacaq. Yarışı canlı olaraq judotv.com saytında izləmək mümkündür.
