Gəncənin Uşaq-Gənclər İdman Məktəbinin idmançıları Bakı şəhərində keçirilən XVI Muay Tay üzrə Azərbaycan çempionatında
uğurlu çıxış edərək medalçılar sırasında yer alıblar.
Gencexeber.az xəbər verir ki, məşqçi Maqsud Allahverdiyevin yetirmələrindən 54 kiloqram çəki dərəcəsində mübarizə aparan Aslan Quliyev bütün rəqiblərinə qalib gələrək Azərbaycan çempionu olub və qızıl medal qazanıb. Onun digər yetirməsi Əbülfəzl Allahverdili isə 38 kiloqram çəki dərəcəsində üçüncü yeri tutaraq bürünc medala sahib çıxıb.
Bundan əlavə, şəxsi məşqçisi Elvin Quliyevin rəhbərliyi altında çıxış edən Əli Tapdıqov da 51 kiloqram çəki dərəcəsində üçüncü yeri tutaraq Gəncəyə daha bir bürünc medal qazandırıb.
