Gəncə güləşçisi uğurlarını sıralamağa davam etdirir.
Gencexeber.az-ın məlumatına əsasən, "5 mart – Bədən Tərbiyəsi və İdman günü"nə həsr olunmuş yeniyetmələr arasında Zaqatala açıq birinciliyi keçirilib. Hacı Əlicanov güləş məktəbində baş tutan yarışda Gəncəni 2020-ci il təvəllüdlü Bünyamin Məmmədov təmsil edib.
18 kiloqram çəki dərəcəsində çıxış edən Bünyamin bütün rəqiblərinə qalib gələrək I yerə layiq görülüb. O, diplom və qızıl medalla təltif olunub.
Qeyd edək ki, bu, azyaşlı güləşçinin ilk nailiyyəti deyil. Balaca daha öncə də bir sıra yarışların mükafatçısı olub:
* Qax şəhərində keçirilən şəhərlərarası birincilikdə – II yer;
* Gəncə şəhər birinciliyi – II yer;
* Gəncə İdman Klubunda təşkil olunmuş yarış – III yer;
* Tovuzda keçirilən şəhərlərarası turnir – I yer;
* Goranboy rayon turniri – III yer;
* Gəncədə sərbəst güləş üzrə keçirilən Respublika birinciliyi – I yer.
