Gəncədə sərgi-yarmarka baş tutacaq. Bu haqda Gencexeber.az-a 3 noyabr tarixində məlumat daxil olub.
“Gəncəsənət” layihəsi çərçivəsində İncəsənət, sənətkarlıq və yaradıcılıq sərgi-yarmarkası keçiriləcək. Tədbir 5 noyabr tarixində saat 11:00-17:00 arası Urban Mərkəzində (Gəncə Dövlət Filarmoniyasının yanı) baş tutacaq.
Qeyd edək ki, sərgi-yarmarkada iştirak ödənişsizdir.
Tədbirin məqsədi şəhərimizdə və bölgəmizdə müxtəlif istiqamətli sənət növlərinin yaşadılması və inkişafı, alıcı və sənətkarlar arasında birbaşa körpülərin salınması, yaradıcılıqla məşğul olan insanlar arasında inkişafyönümlü dialoqun qurulması, sakinlərimizdə sənətkarlıq və incəsənətə marağın artırılması, həmçinin şəhərimizin mədəni həyatının canlandırılmasıdır.
